САД треба да признаат дека повеќето руски предвидувања во врска со развојот на ситуацијата на Блискиот исток се остварија, пишува „Форин полиси“.
Британскиот политиколог и историчар Анатолиј Ливен во материјалот наведува дека во очите на западните политичари Русија е ревизионистичка сила која наводно се обидува да го промени статус квото и да го оспори меѓународниот поредок заснован на правила.
Меѓутоа, на Блискиот Исток, каде што САД посеаја многу поделби во изминатите дваесет години, постои поинакво мислење, истакнува Ливен.
Според експертите, по неколку години, противењето на Москва на регионалната политика на Вашингтон се покажа како основано не само од гледна точка на Русија, туку и од самите Американци и нивните сојузници.
Во таа насока, тој потсетува дека рускиот претседател Владимир Путин се спротивставил на влегувањето на американските сили во Ирак во 2003 година, бидејќи предвидел распаѓање на земјата поради брзиот раст на исламскиот екстремизам.
„Можеби Американците требало да ги слушаат советите на Русија?“, се прашува експертот.
Политикологот како пример ја наведе ситуацијата во Либија по соборувањето на режимот на Моамер Гадафи и бунтовите во Египет, Сирија и другите земји од регионот во 2011 година. Во написот се наведува дека Русија била загрижена за победата на исламистите и обновувањето на терористичките бази.
Некои американски официјални лица го советуваа тогашниот американски претседател Барак Обама да не се обидува да го собори режимот на Башар Асад во Сирија поради ризикот Даеш да ја преземе власта.
Според американските медиуми, Москва можела да влијае на потпишувањето на иранскиот нуклеарен договор во 2015 година, а Вашингтон можел да добие многу поповолен договор со Техеран доколку ги слушал руските совети за тоа прашање уште во 2002-2003 година
Историјата на Блискиот Исток покажа дека барем во таа област постои солидна основа за соработка меѓу двете земји, но дека за понатамошен развој на дијалогот, Америка мора да признае дека Москва се покажа во право, а Вашингтон не, заклучува авторот.
