Ништо од непристрасноста и достоинството на Македонското судство, откако попладнево и највисоката судска инстанца потклекна под притисоците на странскиот фактор и СДС за носење на одлуки со кои ќе се задоволат ПР апетитите на власта
Врховниот суд попладнево, наместо да носи одлуки базирани на факти и докази, непристрасно, одлучи да подлегне на притисоците и да ја потврди одлуката на Апелација за определување на притвор за Горан Грујевски и Никола Бошковски, додека за Тони Јакимовски ја преиначи одлуката од притвор во мерка за претпазливост, односно одземање на патна исправа.
„Петчлениот совет на Врховниот суд на Република Македонија донесе решенија со кои се одбиени жалбите на бранителите на Г.Г. и Н.Б. и ги потврди решенијата на Апелациониот суд Скопје за определување на мерка притвор во траење од 30 дена.
Постапувајќи по жалбата на одбраната на Т.Ј., Врховниот суд на Република Македонија ја уважи жалбата, го преиначи решението на Апелациониот суд Скопје со кое беше определена мерка притвор и го потврди решението на кривичниот совет на Основниот суд Скопје I Скопје за определување на мерка на претпазливост“, стои во сооопштението на Врховен суд.
Грујевски, Бошковски и Јакимовски се обвинети од страна на партиската испостава на СДС, СЈО во предметот „Тврдина“ и „Таргет“.
