На прашањето каква е енергетската состојба во Србија и дали ќе има електрична енергија, претседателот Александар Вучиќ одговри дека во Србија нема да има исклучувања како во други европски земји.
„Важно е луѓето да разберат што доведе до нарушување на цените, нафтата, гасот, челикот … и се друго. Воведувањето даноци за јаглерод поради зелената енергија, цената на гасот, многу повеќе течен гас се очекуваше во Холандија, но нема, земјите го исфрлија гасот од складирање, но не склучија долгорочни договори со Русите, кога двата премини се затворени за еден ден скокнаа на 1.800 за илјада кубни метри гас, тоа се огромни цени. Водевме паметна политика затоа што изградивме гасовод за да поминува низ нашата земја, а на 1 октомври пуштивме гас, пуштивме компресорска станица во близина на Жабар, ги реновиравме сите излезни станици што не се реновирани 45 години. Ги решивме сите проблеми, гасот тече кон нас. Ние сме транзитна земја од 1 октомври, доставуваме до Унгарците, во овој момент го имаме нашиот гас од околу 25 милиони кубни метри во Банатски двор, со цел да го зачуваме за „не дај Боже“. Трошиме од она што веќе го имаме, и вишокот да го ставиме во складиште за да го имаме, за да немаме никакви проблеми. Цената на гасот е 270, што е најниска, и ние се обидуваме да одлучиме со Русите да остане така уште шест месеци, тоа е многу важно за нас. Кога имате проблеми со високата цена на електричната енергија, што треба да направи оној што троши голема количина електрична енергија“, рече тој.
Вучиќ посочи дека Србија во моментов има најниска цена на електричната енергија во Европа за домаќинствата.
