Претседателот на Србија Александар Вучќ и Зоран Заев денес телефонски разговараа и постигнале договор во пет точки, принципи на кои ќе се темелат односите на двете земји, а пред се при евентуални несогласувања кои ќе се решваат преку дијалог
Како што се наведува во заедничкото соопштение, Вучиќ и Заев, во долгиот и отворен разговор, ги разгледале новонастанатите околности во односите помеѓу двете држави и постигнале согласност во следното:
– Република Србија и Република Македонија исклучиво преку дијалог ќе ја решаваат секоја евентуална несогласица во меѓусебните односи
– Без обзир на сите политички разлики во одредени важни политички и регионални прашања, Србија и Македонија заеднички ќе се борат не само за зачувување, туку и за унапредување на пријателските односи помеѓу српскиот и македонскиот народ и граѓаните на Србија и Македонија
– Република Србија и Република Македонија ќе вложат поголеми напори за натамошно унапредување на економските односи и зголемување на трговијата и размената на двете земји
– Република Србија и Република Македонија во склад со меѓународните јавно-правни прописи, во добра верба и на пријателска основа ќе ги штитат правата и интересите на дипломатско-конзуларните претставништва на својата територија
– Република Србија и Република Македонија ќе ја интензивираат меѓусебната комуникација на највисоко ниов, ќе се поддржуваат меѓусебно на европскиот пат и зајакнување на добрососедските односи.
Овој договор помеѓу Вучиќ и Заев доаѓа по дипломатскиот скандал, и сознанието дека од Македонија, со помош на институциите кои се под контрола на СДС биле прислушкувани дипломати и функционери од Србија, со цел спроведување на кампања за државен удар на Србија, по примерот на Македонија.
