После се она што се случуваше во српскиот фудбал во последните неколку седмици, предупредувањата од УЕФА, праќањето на контролите, казните за неко клубови, во врска со скандалите во фудбалот се огласи и претседателот на Србија, Александар Вучиќ. Тој и објави војна на фудбалската мафија и се закани дека ќе има апсења на сите што прават криминал во српскиот фудбал.
“Многу сум тажен како изгледа финишот во фудбалскиот шампионат. Можам само да кажам дека таа мафијашка банда која е во и покрај фудбалот, која пушта да ни се смее цела Европа посебно за тоа како се свират пенали, ќе ја апсиме. Сите ќе ги апсиме, јас тоа имам да кажам. Ќе видите дали одредени клубови следната сезона ќе играат како ПСЖ или Сити“ во ироничен стил заврши претседателот на Србија.