СДСМ си поигрува со јавноста во врска со информациите за формирањето на Влада и преговорите со потенцијалните коалициони партнери.
Дека СДСМ си игра топло-ладно со граѓаните говори фактот што до вчера СДСМ и нивните блиски портали тврдеа дека се пред договор, а денес Радмила Шекеринска ги демантираше.
Со денешната изјава на Радмила Шекеринска беше демантирана и изјавата на Шилегов од пред некој ден. Шекеринска најави дека денешната средба е почеток на преговорите и дека ништо се уште не е договорено.
-Вие сте свесни дека ова не беше долга средба. За сите прашања ќе дискутираме со потенцијалните коалициони партнери и за сите прашања ќе ја информираме јавноста. Ова е прва средба и информациите кои што беа присутни во јавноста дека штотуку не се договорило се, не беа точни. Така што денеска на првата ваква средба тешко е да даваме прогнози- изјави Шекеринска.
https://www.youtube.com/watch?v=6LmT3qgBs2k
Пред неколку дена портпаролот на СДСМ Петре Шилегов рече, а медиумите блиски до СДСМ пренесоа дека јавноста треба да очекува брзо формирање на Влада.
-СДСМ работи на брзо и ефикасно решение за обезбедување на составување на новата Влада и граѓаните да не се грижат- рече Шилегов.
И од Цивил која важи за продолжеток на политиките на СДСМ информираа дека СДСМ има поддршка за формирање на влада.
