Времето утре ќе биде претежно облачно и студено. Во текот на денот со повремени врнежи од дожд со слаб до умерен интензитет. Ќе дува слаб до умерен ветер од северен правец.
Во недела времето ќе биде претежно облачно и студено со повремени врнежи од дожд. Ќе дува слаб до умерен ветер од југоисточен правец.
Во понеделник за време на неработниот ден во Македонија времето ќе биде променливо облачно и студено со локални врнежи од дожд. Ќе дува слаб до умерен ветер од северозападен правец.
Во вторник времето ќе биде променливо облачно и студено. Ќе дува умерен, а вдолж Повардарието засилен ветер од северозападен правец.
УХМР ДЕНЕСКА ИЗДАДЕ И АКТУЕЛНО ПРЕДУПРЕДУВАЊЕ:
И во следните денови ќе бидеме под влијание на влажна воздушна маса, времето ќе се задржи претежно облачно и студено со повремени врнежи од дожд. Врнежите повремено ќе бидат пообилни, на места со пороен карактер и проследени со засилен ветер.
