Преполна е салата Борис Трајковски каде најголемата парламентарна партија во Македонија, ВМРО-ДПМНЕ вечерва одржува Конвенција.
Под мотото „Нова ера“ ВМРО-ДПМНЕ ја презентира програмата за претстојните локални избори.
-„Нова ера“ на нашата нова понуда, нашите нови проекти, новата визија со која што од град во град, од село во село ќе одиме во наредниот период во целокупната кампања, презентирајќи ги нашите нови визии, нашите нови размислувања, а со тоа да овозможиме нова ера на секое населено место во Република Македонија. А од друга страна на тој начин да ја понудиме целокупната визија, изјави претседателот на Изборниот штаб на партијата, Спиро Ристовски во денешното гостување во вестите на телевизија Сител, пред почетокот на Конвенцијата.
На оваа конвенција ќе се обрати и претседателот на партијата, Никола Груевски.
Тој вчера преку социјалната мрежа Фејсбук соопшти дека денеска партијата ќе ја презентира новата визија на ВМРО-ДПМНЕ.
-Утре во 20 часот во спортскиот центар Борис Трајковски, ќе ја презентираме нашата визија, новата ера за Македонија! Почнува ново утро, доаѓаат нови победи! Подобри денови за граѓаните. Имаме одлични програми, читајте ги внимателно и направете ја разликата!, напиша Груевски вчера на Фејсбук.
