Влада не може да се состави без мандатор, во спротивно би се нашле во ситуација на државен удар, изјави Љубиша Георгиевски во „Аргументи“ на ТВ НОВА.
„Такво нешто би било спротивно на здравиот разум. Претседателот на една земја колку и да е „Британска кралица“ е “кралица” и мора да биде политички фактор. Претседателот го избрал народот и не е избран во парламент, согласно тоа има право на политика“, вели Георгиевски.
Тој рече дека очекува од Заев да се обиде да состави Влада и без добиениот мандат што би било нелегитимно.
Во однос на политичката криза Георгиевски рече дека истата е наметната и скапо платена, а во однос на Албанската платформа посочи дека Албанија во моментов е во политичка криза и Еди Рама би требало да се погрижи да ја среди состојбата во својата земја, наместо да се меша во внатрешните работи на Република Македонија.