Геровски клекна на колена пред новите градоначалници, и призна дека три години лажел и манипулирал со причините за загадувањето на Скопје и скопските општини. Сега, кога градоначалниците на СДС се на чело на општините, наместо ветените мерки за спречување на загадувањето, Скопје се гуши во незапаметен смог и токсичен чад. И наместо мерки, Јани Макрадули ги искара граѓаните, а Шилегов со површни и популистички „мерки“ забрани движење на возила до средно Водно за време на викендот. Мерка која нема да даде никакви резултати.
[kopa_block_quote class=”e.g. kopa-blockquote-1, kopa-blockquote-2″]
…ако случајно ме лажат сетилата, ако повторно заглавиме во смог, имам една скромна молба до скопските градоначалници.
Другари Петре, Богац, Српче и останатите – ако загусти, нема да ве карам (јасно ми е дека ова со загадувањево е голема заебанција), ама однапред ве молам да ги ослободите децата од учлиште во критичните денови. Барем нивните бели дробови малку да ги заштитиме. Додека не смислите некоја генијална машина за чистење на воздухот. После ќе биде полесно… – моли Геровски во својата последна колумна.
[/kopa_block_quote]Скопје во последните пет дена се гуши во токсичен смог, а лекарите предупредуваат дека се работи за енормна концентрација на канцерогени честички во воздухот.
Канцерогените ПМ10-честички во Карпош вечерва достигнаа 222 микрограми на еден кубен метар, а во Лисиче 229 што е за речиси пет пати повеќе од дозволените 50 микрограми на метар кубен.
Многу високо ниво е измерено и на ПМ2,5 честичките каде во Карпош достигнаа 180 микрограми на кубен метар што е за 9 пати повеќе од дозволените 20 микрограми. Во Центар нивото на овие честички вечерва достигна 90 микрограми.
Високо ниво на аерозагадување има во Центар каде што се измерени 133 микрограми на кубен метар, на мерната станица Ректорат измерени се 113 микрограми, во Битола каде мерната станица покажува 106 микрограми, во Кичево 151, во Тетово 105 и во Кавадарци 158 микрограми на кубен метар.
Средно ниво на загадување има во Гази Баба каде што се измерени 59 микрограми и во Куманово каде мерната станица покажува 66 микрограми канцерогени честички.
