Во вчерашното емитување на емисија на 1ТВ, водителот Ордановски го праша Бранко Героски, кој е познат политички аналитичар и новинар дали власта со парична помош на печатени медиуми ги купува медиумите, односно влијае врз нив. Героски на ова прашање одговори дека е можно да постојат и такви индикации, секогаш постојат такви идеи, секоја власт се обидува да оствари контрола врз медиумите.
По моја волја, по мој вкус ќе беше можеби подобро ако оваа помош ќе беше поврзана со некаков конкретен проект, некакво конкретно барање, а не само помош за печатење. Ја се надевам дека во идната година дури без некаков притисок од власта или „позитивна уцена“ да речеме од власта, се надевам дека весниците ќе се обидат да направат една заедничка независна дистрибуција на пример. Тоа би било еден значаен проект, појасни Героски.
