Првата странска медиумска куќа во Русија на која ќе биде применет законот за странски агенти би можела да биде „Гласот на Америка, изјави неименуван претставник на Министерството за правда на Русија, дознаваат тамошните медиуми
Како што изјавил, Министерството веќе упатило известување до „Гласот на Америка“ дека Државната дума на Русија ги усвоила измените и дополнувањата на законот преку кој руските власти ќе можат да ги регистрираат странските медиуми како странски агенти на територија на Руската Федерација.
Помеѓу останатото, во писмото се укажува и на тоа дека тој закон апсолутно може да се примени против тој медиум, бидејќи постојат индикации дека „Гласот на Америка“ навистина се однесува како странски агент.
Ваквиот закон во Русија доаѓа по прогласувањето на „Раша Тудеј“ (RT America) за странски агент, со што брутално беше погазен принципот за слободни медиуми од страна на Американските власти.
