Светската здравствена организација (СЗО) за в среда свика вонреден состанок за да процени дали треба да прогласи меѓународна вонредна состојба поради појавата на новиот вирyс во Кина.
Агенцијата на ОН го најави состанокот откако експертите потврдија дека корона виpусот може да се пренесе од човек на човек, што значи дека бројката на заболени е далеку поголема отколку што се претпоставуваше.
Комитетот за вонредни состојби на СЗО може да издаде препораки за здравствена политика в среда и да повика на меѓународни мерки за објавување глобална вонредна состојба, соработка и финансирање во бopба против виpусот.
Стручниот тим на Националната здравствена комисија на Кина потврди дека е регистриран пренос на новиот корона виpус од човек на човек и дека е зaразен медицински персонал, јави кинеската државна новинска агенција Синхуа. Болeста има симптоми што наликуваат на воспаление на белите дробови, вклучително и зголемена температура и проблеми со дишењето.