Грчки лекари во болниците денес одржаа еднодневен штрајк, а десетици од нив протестираа низ Атина во знак на протест поради лошите услови во болниците на првата линија на одбрана од пандемијата на вирусот корона.
Единиците за интензивна нега во државните болници работат со приближно 80 проценти од капацитетот, а лекарите сакаат владата да создаде нови единици за пациенти со ковид-19, наместо да ги користи постојните, како и да ангажира повеќе персонал и да користи ресурси од приватниот сектор, објави Ројтерс.