Руската Православна Црква и Вселенската Патријаршија од вечерва повеќе нема да сослужуваат, со што практично се случи најголемиот раскол во поновата историја на Православната црква. Настанот кој беше очекуван е резултат на одлуката на Синодот на Руската Црква, донесена вечерва во Минск – Белорусија, пренесе порталот „Религија.мк“
Членовите на Синодот на Руската Црква одлучиле дека повеќе не можат да останат во канонско единство со Вселенската Патријаршија по одлуката за признавање автокефаност во Украина.
-Прифаќањето во заедница на дисиденти и личности анатемизирани во друга локална црква со сите” епископи “и” свештеници “раководени од нив, ја става Константинополска Патријаршија надвор од канонско поле и, на наша голема тага, ни оневозможува да ја продолжиме Евхаристиската заедница, стои во одлуката на Руската црква.
