Казахстанскиот портал за туризам „Чокотравел“ е обвинет за сексизам и вулгарност по објавување на новата реклама. Видеото прикажува голи стјуардеси кои промовираат различни авио-компании и порадаваат авионски билети по поволна цена
Корисниците на социјалните мрежи реагираа различно: на некои им се допаднала рекламата, други велат дека „сексот веќе не продава“, а највеќе ги има оние кои се огорчени поради вулгарноста и експлоатацијата на голите женски тела во рекламата.
„Убави девојки, во овој оглас нема ништо срамно“, рекол еден корисник.
„По мое мислење, тоа е неуспех“, напишал друг.
„Разбирам дека станува збор за сексизам непознат за оние кои ја осмислиле рекламата. Вакво нешто може да помине само во земјите од третиот свет“, рекла Александра Порошенко.
„За мене како жена, ова е непријатно“, напишала Гулзханат Рискали.
На видеото обрнаа внимание и некои западни медиуми. На пример, британскиот таблоид Дејл Мејл оваа реклама ја нарече „чудна“.
