Раул Гонзалес уште еднаш се радуваше на пласман на Ф4 турнирот во Лигата на шампионите со своите момци, а во последниот викенд од мај ќе има можност повторно да го донесе тимот до круната во Лигата на шампионите.
Иако Вардар загуби ова е пораз рамен на победа така што радоста е идентична како Вардар да обезбеди победа и на реваншот против Кил.
„Имавме многу проблеми на тренот. Не се снајдовме најдобро против Ландин. Сепак, успеавме да се соземеме и во вториот дел од средбата дадовме неколку голови од контра. игравме под притисок, но со големата поддршка од трибините успеавме да дојдеме до посакуваниот резултат. Кил играше одлично, горд сум на моите играчи и поради тоа што сум нивни тренер. Сега ни претстои Ф4-турнирот во Келн. Ќе одмориме малку, а потоа ќе можеме да се подготвуваме за она што ни претстои во Келн“, изјави Гонзалес.
24rakomet.mk
