Желката Диего, чиј активен ceкcyaлeн живот го спасил цел вид од изyмиpaњe, се повлекол од “плejбoјcкиoт” начин на живот и се вратил во дивината по исполнување на миcиjaтa.
Неговото несопирливо либидо е главната причина за преживување на неговите другари, џиновските желки на Еспањола, дел од Галапагос, откако бил испорачан од зоолошката градина Сан Диего во рамки на програмата за одгледување.
Diego, the giant #Galapagos #tortoise earned retirement on his native Espanola Island after fathering over 800 junior giant tortoises! Around 40 per cent of the new tortoises on the island are descendants of #Diego according to the Galapagos Conservancy.https://t.co/cZCPkDX9qE
— gruntvegan (@gruntvegan) January 12, 2020
Кога започнала кампањата, на островот имало само 2 мажјаци и 12 женки од неговиот вид, пренесува “CNN”. Меѓутоа, Диего имал толку ceкc што помогнал популацијата да порасне на 2.000 единки.
Службата на националниот парк Галапагос верува дека 100-годишната желка е глaвa на семејството на околу 40 отсто од популацијата.
Во програмата, чија цел била зголемување на популацијата на островот, учествувале вкупно 15 желки, но ниту една не играла толку голема улога како Диего.
“Околу 1.800 желки се вратени во Еспањола и сега со природната репродукција имаме околу 2.000 желки”, изјавил Џорџ Карион, директор на паркот.
Островите Галапагос се една од најдобрите светски дестинации за набљудување на дивите животни, а ги посетил и Чарлс Дарвин додека работел на теоријата на еволуција.
