Градежниците бараат Владата да ги поддржи компаниите за да настапат на странските пазари.
Таму го гледаат потенцијалот на долг рок. Причина за лошите бројки во минатиот период во градежниот сектор, а со тоа и на целокупниот БДП, се намалените активности како на домашниот, така и на странските пазари.
Податоците што ги изнесоа покажуваат дека во првиот квартал годинава вредноста на договорени работи во странство е намалена за дури 61%.
Забавувањето на инфраструктурните проекти во земјава и намалената инвестициска активност во приватниот сектор се уште една причина за погубните резултати на градежниот сектор.
Во првите четири месеци годинава вредноста на договорените работи е преполовена, споредено со истиот период лани.
За годинава предвидени се 400 милиони евра за инфрастуктурни проекти. Градежниците велат дека продолжување на градежните, како и новите најавени активности во нискоградбата, ја враќаат надежта градежништвото повторно да стане клучен креатор на БДП.
