Нов случај на нападнат маж од страна на кучиња скитници. Штипјанецот Ѓорги Ѓоргиев едвај се одбранил од разгневената глутница кои го нападнале додека возел мотор. Се уште во шок раскажува за немилиот настан што утринава се случи во центарот на градот.
Благодарение на групата граѓани кои притрчале да му помогнат Ѓоргиев поминал со помали повреди. Но не само овој педесетгодишен маж деновиве бил жртва на агресивни кучиња скитници. Штипјани тврдат дека постојано се сведоци на вакви немили случки. Од надлежните бараат решение на проблемот.
Скептицизмот на граѓаните е оправдан, бидејќи пуштањето во употреба на стационарарот се пролонгира неколку месеци. Од општината убедуваат дека се при крај со работите.
Стационарот започна да се гради уште во февруари годинава и според најавите со работа требаше да започне минатиот месец.
