Јавниот долг на Македонија во вториот квартал од годинава за 0,1 процент го надмина ланското ниво, кога прв пат беше намален по девет години и изнесуваше 47,6 отсто од БДП. Во вториот квартал од 2018. јавниот долг изнесува 47,7 отсто од БДП, соопшти Министерството за финансии на својата веб-страница.
Министерството објави графикон од кој може да се забележи удвојување на долгот во периодот 2008 – 2016 година, а во првиот квартал од 2018 година долгот изнесува 47,2 отсто.
Во 2008 година, според графиконот, јавниот долг бил 23 проценти од БДП, а во 2016 година достигнал 48,5 отсто.
– Јавниот долг бележи намалување првпат после девет години во 2017 година, по што во 2018 година се задржува на тоа ниво. Претходните години јавниот долг беше брзорастечки и неодржлив. Од 2008 година тој рапидно растеше, а во 2016 година се удвои. Со одговорно менаџирање со јавниот долг, подобрена е и неговата структура. Значително се намалени каматните стапки, како за еврообврзницата, така и за државните хартии од вредност. Зголемена е и рожноста на државните хартии од вредност, што ја зголемува одржливоста на долгот – стои во соопштението на МФ.
