Денеска на Економскиот факултет во Скопје, екс премиерот Никола Груевски го бранеше докторатот пред петчлената комисија од професори.
-Благодарение на реформите од 2006 година многу земји ја препознаа Република Македонија како земја за инвестирање – рече Груевски во презентирањето на докторатот.
Презентацијата на докторатот траеше еден час. Меѓу присутните беа неговите две ќерки и мајка му Нада Груевска.
Еден од професорите во комисијата ја прочита и биографијата на Груевски, осносно неговата долга кариера како економист, а не го изостави и лидерството во ВМРО-ДПМНЕ и десетгодишната премиерска функција.