Лидерот на ВМРО-ДПМНЕ, Никола Груевски на денешната Конвенција на партијата истакна дека иновативноста и креативноста е за доброто на сите.
-Училиштето, јавноста и медиумите треба да придонесуваат за развивање на култура на истражување и развој. Владата мора да има свои истражувачки центри за главните стратегиски прашања за државата. Град Скопје мора да има истражувачки центар. Ова важи и за универзитетите и за големите партии и синдикатите. Стопанските комори мора да имаат свои истражувачки центри. Сите овие центри треба да бидат во постојан процес на комуникација и соработка, а од државата ќе добиваат соодветна подршка, посочи Груевски.
Потенцира дека целта на ВМРО-ДПМНЕ е на глобалниот индекс за иновации Македонија да биде меѓу првите 50 земји.
