Се што ќе прават во наредниот период ќе биде со цел да го отргнат вниманието од она што треба да биде главно внимание, а тоа е она што тие го ветуваа пред народот, тоа и да го испорачаат, јас тоа го кажав и во мојот говор во Собранието, тие најмалку шест месеци ќе се занимаваат со нас, изјави лидерот на ВМРО-ДПМНЕ Никола Груевски во вестите на телевизија Алфа.
-Ќе се занимаваат со нас за да заборави народот за ветувањата кои што ги дадоа, за заборави на 33-те илјади денари просечна плата, дека докторите ќе добиеле 100 илјади денари плата, а не на крајот на мандатот како што сега го сменија, ќе се занимаваат со пратениците, а нема да се занимаваат со тоа кои ги внесе луѓето во Собранието, насилниот акт што се случи во Собранието, кршењето на Уставот, кршењето на деловникот, зошто? За да дојдат еден ден порано, еве ги вчера дојдоа во Владата се изнасликаа и си заминаа дома, каде се денеска, каде се реформите што ќе ги ветуваа уште од самиот ден, праша Груевски.
Тој потенцираше дека секогаш СДСМ кога доаѓала на власт не испорачувала некои особени резултати.
