Рестораните, кината и театрите во Грција ќе работат со полн капацитет од сабота, објави денеска порталот Катимерини, повикувајќи се на извори од грчката влада.
Лицата кои се ревакцинирани против Ковид-19 ќе можат да влегуваат во рестораните, а се очекува владата денеска да издаде соопштение за да ги појасни овие правила.
Другите мерки што ќе стапат на сила ќе значат крај на строгите антиковид мерки во области каде што присуството на коронавирус е високо, но според грчките медиуми, ќе следи и понатамошно ублажување на здравствените мерки во кафулињата и ноќните клубови само за ревакцинираните.
Во областите на Грција каде што беше воведен полицискиот час и забраната за музика преку ноќ, исто така следеше ублажување на мерките така што граѓаните од тие места, вакцинирани или не, ќе треба да носат само маски и да држат социјална дистанца, пренесуваат грчките портали.
