Генералниот секретар на Обединетите нации Антонио Гутереш денеска ги повика донаторите да обезбедат стотици милиони долари за Авганистан, предупредувајќи дека многу луѓе може да останат без храна до крајот на месецот.
Генералниот секретар на ОН Антонио Гутереш истакна дека народот на Авганистан се соочува со колапс на целата земја.
„По децении војна, страдање и несигурност, луѓето се соочуваат со можеби најопасниот момент“, рече Гутереш во воведниот говор на меѓународната конференција во Женева, од која се очекува да се соберат повеќе од 600 милиони долари, пренесува Ројтерс.