Гoлeм пopaз за Зaпaдот: Оксфopдската вakцина која ја чека Македонија пpeдизвикува вocпaлeние на ‘pбeтниот мозok

Поврзано

- Advertisement -
- Advertisement -

Завршните клинички испитувања на вакцината против коронавирус, развиена од АстраЗенека и Универзитетот Оксфорд, беа суспендирани откако учесникот во студијата имаше несакана реакција. Иако фармацевтската компанија не даде детали за негативната реакција развиена од еден од вакцинираните волонтери, во меѓувреме се појави информација дека тој има трансверзален миелитис, односно воспаление на ‘рбетниот мозок, пренесува Би Би Си.

АстраЗенека го опиша прекинот како „рутински“, а болеста како „необјаснета“. Сепак, „Њујорк Тајмс“ известува дека доброволец во британската група испитаници развил воспалителен синдром кој влијае на ‘рбетниот мозок и кој може да биде резултат на вирусна инфекција или жариште на автоимуна болест.

Оваа болест вклучува целосен попречен пресек на ‘рбетниот мозок што спречува комуникација помеѓу мозокот и телото под нивото на воспаление. Симптомите се манифестираат само во дел од телото под линијата на воспаление и се поврзани со тешко движење и сензорни проблеми.

Времето на дијагностицирање, како и дали е поврзано со примената вакцина, сè уште не е познато. Независна истрага допрво ќе утврди дали болеста е последица на реакција на вакцината.

Би Би Си наведува дека ова е вторпат тестирањето на вакцината на Оксфорд да биде стопирано од април, кога започна тестирањето врз луѓе. Конечното одобрување за продолжување на тестирањето го издава надлежниот здравствен регулатор и оваа постапка трае неколку дена, но дотогаш сите понатамошни вакцинации во сите земји кои учествуваат во тестирањето се привремено прекинати.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This