Дали Викторија и Дејвид оваа година ќе ја прослават 20-годишнината од бракот?
За сè е виновна младата пејачка?
Еден од омилените светски парови, Дејвид и Викторија Бекам, повторно се нашол под лупата на јавноста поради гласините за наводниот развод. Имено, светските медиуми се распишале за кризата во бракот на фудбалерот и поранешната членка на групата Spice Girls, а ако им веруваме на натписите, причината е 28-годишната британска пејачка Рита Ора.
Имено, 44-годишната Викторија дознала дека нејзиниот сопруг е воодушевен од 15 години помладата пејачка, а освен Дејвид, на шармот на Рита паднал и најстариот син на славниот пар, Бруклин Бекам.
Најстариот наследник на Бекамови и осум години постарата пејачка си разменувале љубовни пораки кога тој имал само 18 години, а сега истото се случило и со таткото Дејвид.
Меѓутоа, иако буката околу разводот на парот кој е заедно 20 години и понатаму не замира, пред неколку дена било објавено дека 28-годишната Рита Ора многу ги почитува Викторија и Дејвид и дека такво нешто никогаш не би си дозволила.
Поранешната членка на групата Spice Girls е бесна околу натписите и фактот што бракот повторно ѝ се нашол на насловните страници на светските медиуми.
Потсетуваме дека Викторија и Дејвид оваа година ќе прослават 20-годишнина од бракот. Тие се еден од најинтересните парови за јавноста, па така досега веќе неколку пати се зборување за наводните неверства и проблеми во бракот, меѓутоа парот кој има четири деца, синовите Бруклин, Ромео, Круз и ќерката Харпер, и понатаму покажува дека и покрај јавната експонираност, имаат хармоничен семеен живот.
