Некои лекари велат дека е добро да консумирате магнезиум доколку имате синдром на немирни нозе, проблеми со мускулите, но нема многу докази дали магнезиумот ќе ви помогне да заспиете полесно.
Магнезиумот има важна улога за многу физиолошки функции. Помага во одржување на имунолошкиот систем, регулирање на шеќерот во крвта и функцијата на нервите и мускулите.
Некои научници се сомневаат дека недостатокот на магнезиум може да придонесе за лош сон со нарушување на нервната сигнализација и промената на нивото на хормонот мелатонин.
Повеќето луѓе имаат доволна количина на магнезиум во телото бидејќи минералот се добива лесно ако се придржувате до здрав начин на исхрана. Магнезиумот се содржи во ореви, зелен лиснат зеленчук, семки, јогурт, риба и грав.
