Се почесто агрегаторите на вести наместо според читаност се одлучуваат вестите да ги рангираат според своето политичко убедувања. Агрегаторите како што се вели ги ставија розовите очила и решија да замижат пред фактичката ситуација во државата.
Токму на оваа тема е и последниот Фејсбук статус на професорот Димитар Апасиев кој е член на президиумот на Левица. На својот Фејсбук профил тој вели ,, Какво време дое… Да ти е страв time.mk да отвориш. Оти може и да се шлогираш од убавиве вести на секое поле.#ДојдеЖивотЗаСитеОдПартија #ДаЖивеатМеснитеКомитети’’.
Апасиев конкретно мисли на најчитаниот агрегатор на вести time.mk кој се почесто промовира вести од провладините медиуми кои се пред се позитивни и креира нереална слика за состојбите во Македонија.
На агрегаторот нема да прочитате дека Македонија нема црвени линии во спорот со името, или пак дека договорот за добрососедство со Бугарија е спротивен на македонските национални интереси. Таму нема да прочитате дека Законот за двојазичност е против уставен или пак да прочитате за секојдневните скандали кој ги следат министрите од Владата.