Денес македонската православна црква го одебележува споменот на Преподобен Атанасиј Атонски
Беше роден во Трапезунт, од богобојазливи родители. Рано остана сиpаче, а по Божја Промисла го зеде некој војвода, го одведе во Цариград и го даде да ги изучува науките.
Заради својата кроткост и смиреност им беше миленик на врсниците. Во детските игри тие ќе го избереа овој за цар, оној за војвода, а Атанасиј за игумен. Како некое претскажување… Кога заврши со училиштето Атанасиј (до постригот Аврамиј) се оддалечи во Малеинската пустина, близу Света Гора, каде што се подвизуваше како ученик на прочуениот Михаил Малеин.
Желен за потесен подвиг, се пресели на Света Гора заради безмолвие. Но, околу него почнаа да се собираат мнозина ревнители кон подвижничкиот живот и тој беше принуден да ја соѕида својата славна Лавра.
