Кружниот напаѓач Хасан Алфардан е ново име во ростерот на селекцијата на Бахреин за натпреварот против Македонија попладнево во 14:00 часот.
Селекторот Арон Кристјансон додаде уште еден ракометар, но без замена, бидејќи на првиот натпревар против Шпанија пријави само 15 играчи.
Кристјансон го приклучи 30-годишниот Хасан Алфардар, кој во својата кариера запиша 75 натпревари и постигнат 300 голови.
Нашиот селектор, Раул Гонзалез, не менува ништо од ростерот кој во петокот ја совлада Јапонија со 38-29 во првото коло на групата Б.