Министерката за труд и социјална политика Мила Царовска која деновиве присуствуваше на конференцијата „Социјална заштита на деца“ во Сараево истакна дека голем акцент ставаат на борбата против детската сиромаштија, но, не ја прикажаа вистинската слика за детската сиромаштија во Република Македонија.
Последните години можеше да се забележи дека бројот на граѓани кои просат по улицата значително се намали. Во изминатите месеци се повеќе може да се увиди како голем број на деца од возачите бараат пари. И не само што се вратија туку на некои раскрсници стојат и по десетина луѓе, а меѓу нив и бебиња во колички.
Министерката Царовска во повеќе свои изјави најави дека како министерство работат за подобрување на детската сиромаштија, но никако тоа реално да се согледа. Царовска потенцираше дека децата кои се на улица, се сместени и згрижени во одреден објект.
Царовска наместо да врши притисок на своите вработени за локалните избори, своето внимание треба да го насочи кон ранливите категории се со цел да се потруди да им обезбеди подобри услови за живот.
