Новинарот Предраг Димитриевски исклучително позитивно гледа на листите за пратеници кои што денеска ги обзнани ВМРО-ДПМНЕ. Во емисијата „Што не е јасно“ на телевизија Алфа тој потенцираше дека имињата на Дурловски и Сиљановска се имиња кои што гарантираат успех на овие предвремени парламентарни избори. Димитриевски посочи дека Мицкоски воведува нов стандар во македонската парламентарна пракса на шпицен кандидат со тоа што тој не се наоѓа на листата на пратеници.
-Колку што забележав и самиот Мицкоски не се споменува на листите што значи дека воведува нов стандард веќе во нашата парламентарна пракса како шпицен кандидат. Јас би се согласил дека кандидатите носат одредена свежина и само ја потврдуваат апсорпционата моќ на ВМРО-ДПМНЕ. Од страиот парламентарен состав би рекол дека до 80 проценти од пратениците се задржани на листите, задржани се исклучително чисти имиња, вели новинарот.
