Министерот за надворешни работи Никола Димитров во 2016 година пишуваше дека Специјалното јавно Обнинителство прави држава. За жал сликата денеска е далеку од тоа.
Во СЈО некогаш се колнеше и Заев, кој велеше дека не се откажува од Катица, бидејки таа била капацитет.
Не се откажувам од Јанева, зашто таа е капацитет, ќе му плесне Заев на Мицкоски в лице на едно ТВ-соочување, па уште и ќе се запраша „дали Мицкоски и ВМРО ќе ја блокираат иднината на Северна Македонија штитејќи криминал, дали ќе се блокира земјата и ќе се изгубат преговорите за ЕУ за заштита на криминалци“.
Не дека немам разирање за опозицијата, но на крај памет не ми е да ја сменам Катица Јанева, дециден беше премиерот Зоран Заев лани во март и без око да му трепне категорично ја отфрлаше можноста да се исполни барањето на опозицијата за промена на тимот обвинители предводен од Катица Јанева.
Сепак денеска реалноста е поинаква, заврши обвинителската кариера на Јанева, за која Заев тврдеше дека е човек со кредибилитет, а Димитров пишуваше дека прави држава. Денеска Јанева е само една алка од синџирот на организиран криминал и корупција кој што во моментов го гледаме во Република Македонија преку случајот „Рекет“.
