Мојата земја денес, Македонија, е успешна приказна која треба да биде охрабрена и поддржана ако сакаме да направиме разлика. Најголемата научена лекција од сето ова е дека ние можеме да направиме разлика.
Ова го истакна министерот за надворешни работи Никола Димитров во обраќањето вчера во германскиот Бундестаг на дебатата „Западниот Балкан по решавањето на прашањето за името: постигнувања, пpeдизвици и перспективи“, од која видео е прикачено на неговиот фејсбук профил.
– И покрај тешката политичка ситуација во Европа денес, претстојните европски избори, сите прашања кои се поврзани со тоа, едноставно го немаме луксузот да не успееме во создавањето успешни приказни. Мојата земја Македонија денес е успешна приказна која треба да биде охрабрена и поддржана ако сакаме да напарвиме разлика. Најголемата научена лекција од сето ова е дека ние можеме да направиме разлика. Ништо од ова, ниту помиpyвањето, ниту Преспанскиот договор не беше нeизбeжнo. Напpoтив, се случи бидејќи ние тоа го направивме, заедно со лидерството во Атина – кажа Димитров.
Шефот на дипломатијата претходно во Берлин имаше средби со Јан Хекер, советник за надворешна политика на канцеларката Ангела Меркел и со пратеникот Метин Хакварди на кои побарал препознавањето на македонскиот успех од страна на ЕУ со што Унијата ќе го зголеми влијанието на ЕУ на Балканот, а станало збор и за реформите, за добрососедството, за потребата ЕУ да го потврди заедничкиот успех, мотивирајќи го целиот регион.
Дебатата во Бундестагот ја организираа парламентарните групи на Зелените и на германската секција на Унијата на Европските федералисти, во која членуваат пратеници од четири политички партии – ЦДУ/ЦСУ, Социјал-демократи, Зелените и Либералите.
