Најмалку што Европската унија му должи на регионот е да биде директна со нас, напиша денеска министерот за надворешни работи Никола Димитров обраќајќи се до лидерите на ЕУ преку серија од твитови.
Доколку веќе нема консензус за европската иднина на Западен Балкан, ако ветувањето од самитот во Солун 2003 не е веќе валидно, граѓаните заслужуваат да го знаат тоа, пишува Димитров.
Тој истпрати благодарност до сите лидери кои, како што вели, „се бореа напорно за ЕУ да отвори пристпни преговори, признавајќи ги постигнувањето на историскиот Преспански договор, поттикнувањето на домашните реформи и поддржување на европскиот наратив во Северна Македонија, земја-кандидат веќе 14 години“.
Додека чекаме обновен консензус, мора да продолжиме да ги браниме вистинските европски вредности дома, напиша Димитров на „Твитер“.
The least that the European Union owes the region is to be straightforward with us. If there is no more consensus on the European future of the Western Balkans, if the promise of Thessaloniki 2003 does not stand, the citizens deserve to know. 1/3
— Nikola Dimitrov (@Dimitrov_Nikola) October 18, 2019
