Секоја одговорна влада мора да внимава на пласманот на земјоделските производи, за било која култура и за секоја одговорна влада треба во секое време најмалку три месеци пред реколтата да се имаат неколку плано за одредени ситуации кои би можеле да се случат, истакна Љупчо Димовски поранешен министер за земјоделство на денешната панел дискусија која ВМРО-ДПМНЕ ја организира на тема „Единствени кои што се вистински партнер на земјоделците“.
Димовски вели дека развиле и посебна методологија и техника за излегување во пресрет на земјоделците и при елементарни непогоди.
-Го развивме и системот за рано предупредување за земјоделците да може да бидат подготвени и да се справат со проблемите кои може да настанат по однос на сочувување на родот на земјоделската култура која ја одгледуваат, додава Димовски.
