Здравственото осигурување на докторите на Медицинскиот факултет во Скопје веќе две недели не им е покриено, јавува Здравство.мк, па лекарите кои имаат потреба од лекови или преглед, си плаќаат приватно.
Некој манипулира и си работи со парите на докторите и тоа веќе трае цел месец. Бројката за која се збори дека е оштетена и инволвирана во оваа „состојба“ на министерот и Деканатот на Медицинскиот факултет е околу 1000 доктори. Сите вработени во Медицинскиот факултет цел месец „кубурат“ со здравственото осигурување – посочуваат доктори во изјава за здравство.мк.
Претходно и професионалните војници се пожалија дека здравственото осигурување не им било подмирено, па морале да ги плаќаат лековите и прегледите приватно.