Вицепремиерот Кочо Анѓушев поседува фирма во Србија за производство, трговија и услуги „Брако Вире Продактс“, открива Економски Лидер.
Според официјалните податоци на централниот регистар на Србија, управител на фирмата „Брако Вире Продактс“, Панчево, е македонскиот државјанин Крсте Лазаров, а како законски застапник се води вицепремиерот Кочо Анѓушев. Оваа фирма која е основана во 2005 година е сеуште активна.
Сомнително е тоа што Анѓушев оваа фирма не ја пријавил во неговиот имотен лист, а согласно законот Антикорупциска Комисија треба да го истражи овој случај.
Како што деновиве беше соопштено дека германскиот гигант Фолксваген ќе гради фабрика во Србија, ако ништо друго, барем оградата на фабриката би можела да биде подигната од жица која фирмата на Анѓушев ја произведува.
