Претседателството со Советот на ЕУ, со кој раководи Финска, ја повлече и препораката за почеток на пристапни преговори за членство во Европската Унија со Македонија и Албанија, дознава „Инфомакс“
Ова е полоша вест и од онаа дека министрите за надворешни работи на земјите членки не постигнаа согласност за почеток на преговори со Македонија и Албанија, со оглед на тоа што отсега дури и препораките за почеток на преговори кои ги доби Македонија во Јуни 2019 година се повлечени и нема да важат како аргумент на состанокот на шефови на држави на земји членки на ЕУ кој треба да се одржи на 16.ти и 17.ти октомври.
Според анексот на заклучоците од денешниот состанок, Претседателството на Советот на ЕУ донесе одлука за повлекување на препораките за почеток на пристапни преговори со ЕУ за Македонија и Албанија донесена на 19 јуни годинава. 
Според белгиските медиуми пак, против датум за преговори освен Франција се и Данска и Холандија.
