До три години затвop за мaлолeтникот кој прегaзи дokтор

Поврзано

- Advertisement -
- Advertisement -

Основното јавно обвинителство Скопје денеска до Советот за деца при Основниот кривичен суд Скопје достави предлог за примена на санкција за малолетникот кој на 25 февруари го прегази докторот Ѓорѓи Јота.

Според соопштението, станува збор за дете во ризик постаро од 14 години, кое извршило дејствија кои со закон се определени како кривично дело -Тешки дела против безбедноста на луѓето и имотот во сообраќајот од член 300 став 3 во врска со член 297 став 3 во врска со став 1 и кривично дело – Неукажување помош на лице повредено во сообраќајна незгода од член 301 став 1 од Кривичниот законик. За првото кривично дело, според Кривичниот законик е предвидена казна затвор од три месеци до три години, а за второто кривично дело е предвидена парична казна или затвор до една година.

Шестнаесетгодишното момче без возачка дозвола, бидејќи е малолетник, може да добие и воспитно-поправна мерка и надзор од Центар за социјална работа, место малолетнички затвор, според законите.

„На 25 февруари, детето во ризик, како учесник во сообраќајот на јавните патишта, не се придржувал кон сообраќајните прописи и со тоа го загрозил јавниот сообраќај и го довел во опасност животот и телото на луѓето. Иако немал возачка дозвола, тој со брзина поголема од дозволената за населено место управувал автомобил БМВ Х6 по булеварот Мајка Тереза во Скопје. Кога дошол на раскрсницата со улицата Елисие Поповски Марко, односно наближувајќи кон обележан пешачки премин, ваквата брзина не му овозможила да запре и да ги пропушти пешаците. Така, тој со возилото удрил во пешак кој во тој момент поминувал по пешачкиот премин. Од ударот, оштетениот се здобил со тешки телесни повреди поради кои се наоѓа во животно-загрозувачка состојба, а детето во ризик веднаш по несреќата го напуштило местото на настанот без да му укаже помош“, се вели во соопштението.

Надлежниот јавен обвинител доставил и предлог за продолжување на претходно определената мерка куќен притвор, бидејќи постои реална опасност детето да се даде во бегство, да ја попречува постапката или да го повтори кривичното дело.

Прегазениот 58-годишен доктор има тешка повреда на главата и се лекува во одделот за интензивно лекување на ТОАРИЛУЦ.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This