- Advertisement -
- Advertisement -
Во тетовската полиција денеска околу 15 часот е пријавено дека двајца француски државјани, волонтери во Центарот за интеркултурен дијалог од Куманово залутале и се изгубиле на падините на Попова Шапка.
Полициски службеници започнале со координирани активности за нивно лоцирање, пронаоѓање и извлекување од силната снежна бура. Некаде околу 17 часот и 50 минути, тие се пронајдени здрави и живи, но забележително премрзнати и со ратракт се спуштени во Полициското одделение Попова Шапка.
Пред неколку дена, полициски службеници од ПО Маврово, на регионалниот пат Маврово-Галичник извлекле двајца американски државјани, кои со возило заглавиле во снегот и кои, исто така, не знаеле каде точно се наоѓаат.
