Држава „мапет шоу“ вели бизнисменот Орце Камчев сведочејќи во судницата за случајот „Рекет“, како јас станав криминалев, човек кој вработува 4 илјади луѓе и плаќа даноци на државата, а Бојан Јовановски кој троши милиони, а има блокирана сметка, светец, прашува тој. Камчев говорејќи за деталите за случајот посочува дека рекетот бил добро организиран, а помагачи имало многу, меѓу нив била и Управата за финансиско разнунавање која со Јовановски и Јанева експресно споделувала информации за трансфери на пари.
-Ми доаѓа утре дента Бојан и ми вика кај Катица се јавиле ми јавија и од полиција дека си подигал пари во готовина од Финансиско разунавање јавиле, она му јавила на Бојан и дека се спремаш да бегаш. Абе ти викам Бојан мислиш дека имам пола милион во сеф, моите пари се во моите компании ја ги вадев парите од моите компании од мојата мајка за да ти ги дадам на тебе и на нејзе. Значи и таа информација ја имаа и таа информација дојде и таа ми ја продаде. Дали разбирате? Значи дотолку све знаеше. Дотолку тоа беше све организирано. Информации од финансиско разузнавање дека јас сум подигнал пари во готово он ми ја кажува. Оу да ја заборавив, ми вика јас заборавив знаеш за што се парите. Мапет шоу, вели Камчев!
