Колку црни милиони евра чинат гласовите во Сарај, Арачиново, Брест, Танушевци? Истите овие актуелни „бастиони на СДСМ“ се запишани во колективната македонска меморија како упоришта на борците за отцепување. Токму за овие места „титкаше“ и Мухамед Зекири, новата „независна ѕвезда“ на СДСМ уште на првичните пребројувања на гласовите. Но, тие пораки не беа наменети за славење во СДСМ, туку беа пораки со потврди до финансиерите дека се испорачува наплатеното. СДСМ досега не одговара на јавните прозивки дали се легнати огромни суми пари на сметки на физички лица од најтесното раководство на СДСМ и, исто така, дали се легнати огромни суми пари на сметки на правни лица блиски до Заев, СДСМ и Сорос? Или, дали кампањата на СДСМ и гласовите на етничките Албанци се наплатени со црни пари од албанската дијаспора?
По утрешниот изборен ден СДСМ ќе треба да одговори на уште едно од низата прашања за потеклото на парите со кои ги извалка демократските и мирни избори кои ја одразија волјата на народот на 11 декември.
СДСМ ќе треба на македонскиот народ да му објасни уште колку илјади евра се истовариле и ќе се истовараат до недела во Теарце, кое со 714 гласачи стана фактор наспроти 450 илјади гласачи кои одлучија на овие избори.
Народот нема да ѝ прости на предавничката партија ниту за дрскоста на луѓето од СДСМ кои со државни ресурси и сомнителни пари тргнаа во освојување на тетовското шарпалнинаско село и да ги фалсификуваат изборите.
Во четвртокот вечерта високи функционери на партијата, Оливер Спасовски, Петре Шилегов и заменик-министерот за земјоделие Љупчо Николовски, со службениот лендровер на МВР, однеле 500.000 евра во двете џамии во селото. Освен тоа, заменик-министерот за земјоделие одржал и говор во дворот на една џамија пред најрадикалните Албанци од Теарце, дознава „Вечер“.
Засилување пристигнало и од портпаролот Петре Шилегов, кој таму пристигнал заедно со Спасовски и Самка Ибраимовски.
Во исто време, познат активист на СДСМ, Ивица Тодоровски, кој работи како обезбедување во Т-Мобиле, на Фејсбук објави фотографија од парите кои се делат во Теарце, објави весникот.
Во четвртокот вечерта околу 22.30 часот со сиво „ауди караван“ со регистарски таблички (DB-1107-AB) луѓе на СДСМ доставиле 500.000 евра во двете џамии во Теарце, пари наменети за поткупување на гласачи – дознава „Вечер” од извори во селото.
Полицијата во целиот период го следела настанот, но решила да не интервенира во џамиите, затоа што тоа не го дозволил министерот од СДСМ, Оливер Спасовски. По оставањето на парите, возилото било застанато од полицијата и бил извршен претрес, внатре биле присутни Петре Шилегов, Ѓулумсер Касипи, која е втора на пратеничката листа на СДСМ во шестката, нејзиниот син кој бил возач и уште едно лице од Дебар, кое според информациите на весникот е финансиерот на поткупот и човек близок до претседателот на албанската дијаспора, Муса Љамалари.
Кога биле фатени, лицата од СДСМ кои во Теарце донеле 500.000 евра за потплаќање, биле видно вознемирени и исплашени, но не заработиле пријави, затоа што претходно интервенирал Спасовски, а парите веќе биле оставени во џамиите.
Овојпат фалсификаторската машинерија на СДСМ се спроведувала во спрега со оџите во џамиите. Активистите на СДСМ ги доставуваат партите во џамиите, а оттаму тие се диструбуираат до гласачите, пишува „Вечер“.
Цената на еден глас е околу 1.500 евра, а истата сума им се нуди и на Македонци, потврдени гласачи на ВМРО-ДПМНЕ на кои им се нудат по 1.500 евра за да не излезат да гласаат и тоа по моделот на СДСМ познат од претходниот круг – им се даваат парите и им се одземаат личните документи за да не можат да го остварат гласачкото право.
Стратегијата на СДСМ била дека ако оваа сума не ги даде очекуваните резултати, таа од синоќа изнесува 2.000 евра, а до недела дополнително ќе се зголемува.
Во избирачкото место 2011 во Теарце, има и огромен дел на Турци и луѓе од мешани бракови, токму затоа луѓето на Заев и албанската мафија, одлучиле парите да ги делат преку оџите, а парите се делеле на цели семејства, за 20-30 луѓе се исплаќаат по 1.500 евра од глас од човек, значи овие, големи муслимански семејства ќе заработат и до 50.000 евра.
Извори на „Вечер“ од Теарце велат дека и Мухамед Зекери се активирал и контактирал со сите Албанци-бандити од Тетово кои ги повикувал да излезат на терен во Теарце ако затреба.
Теарце ќе ја победи цела Македонија
СДСМ доцна синоќа во спортската сала од основното училиште „Кирил Пејчиновиќ“ во Теарце го одржа последниот митинг пред предизборниот молк и повтореното гласање на едно избирачко место во недела во Теарце. На присутните им се обратија носителот на кандидатската листа за пратеници од коалицијата предводена од СДСМ во шестата изборна единица Петре Шилегов и кандидатката за пратеничка во шестата изборна единица Ѓулумсер Касапи и лично лидерот на СДСМ Зоран Заев.
-Јас сум убеден во убава победа во Теарце и зборувам за тоа по цела Македонија и ќе зборувам за тоа по цела Македонија. Дојден сум овде да побарам подршка, но и да си го дадам зборот. Да знаете дека со оваа подршка што ја дадовте и во првото гласање и сега што ќе ја дадете имам намера да вратам, да вратам затоа што имам намера да работам во ваше име и за ваши права, ги повтори ветувањата Заев.
По растурањето на парите и ветувачкиот говор Заев очекува победа на Теарце, како што рече „Теарце ќе биде гордо ако победи, ајде заедно да победиме за цела Македонија“. Со ова уште еднаш се потврдуваат шпекулациите дека СДСМ на овие избори не излезе за да понуди „подобар ивот во Македонија“, туку со купени гласови и изборен инженеринг да ја преземе власта во македонија и да ја погази волјата на народот.
