Откако законот за употреба на јазиците стапи во сила, дојде до првиот јавен koнфлиkт меѓу најголемите коалициски партнери, пишува новинарот Влатко Стојановски за Фокус.
Додека ДУИ се обидува политички да профитира од законот, припишувајќи го како свое дело, од СДСМ одговорија дека законот е проект на сите што го поддржаа. Набргу потоа следуваше најавата од Мала Речица дека ќе настапат со свој претседателски кандидат, со што интегративците сакаат да ја сведат на минимум албанската поддршка за СДСМ во битката со кандидатот на ДПМНЕ.
Но, и СДСМ има џокер во ракавот – може да ги замени во владата со Села и Касами, но и со осумтемина отцепени пратеници од ДПМНЕ. Ова е најавата за најновиот број од неделникот Фокус. Дали ова сценарио е можно и дали навистина ќе пукне тиквата меѓу СДСМ и ДУИ, ќе покажат резултатите од првиот круг на претседателските избори, како и поддршката или неподдршкат на Ахмети за СДСМ во евентуалниот втор круг.