Генералниот секретар на НАТО ќе слета вечерва на аеродромот во Скопје во 18:45 часот, а ќе го пречека министерката за одбрана Радмила Шекеринска, најавуваат од Владата.
Според најавеното, во среда и четврток, 5 и 6 септември, генералниот секретар на НАТО, Јенс Столтенберг, доаѓа во официјална посета на Македонија
Столтенберг и за двата дена има агенда со активности и тоа:
На 6 септември ( четврток) вo својата агенда покрај останатите активности и средби, генералниот секретар ќе го посети и Стајковци каде ќе има средба со градоначалникот на Гази Баба како и изјава за медиуми, по што заминува во касарната Илинден каде ќе ги посети војниците, ќе присуствува на показна вежба како и вежба на припадниците на специјалните сили. Во касарната Илинден предвидени се изјави за медиумите од министерката за одбрана Шекеринска и генералниот секретар на НАТО, Столтенберг.
Во 13:15 часот, генералниот секретар Јенс Столтенберг пристигнува во Клубот на пратеници, каде ќе има работна средба со претседателот на Владата на Република Македонија, Зоран Заев. Медиумите ќе имаат можност за кратки фото и видео инсерти.
Во 14:10 часот, генералниот секретар на НАТО, Јенс Столтенберг и претседателот на Владата на Република Македонија, Зоран Заев, ќе одржат прес конференција во дворот на Клубот на пратеници.