Политиката на ЕУ кон Русија е примитивна, рече унгарскиот премиер Виктор Орбан.
“Од моја гледна точка, ЕУ води примитивна политика кон Русија, тврдејќи дека Москва е закана”, пренесува агенцијата Аџерпрес.
Тој верува дека некои земји од ЕУ навистина “можат да ја почувствуваат опасноста од Русија”. Тој ги спомна тука балтичките земји и Полска, чии истории и чии географски позиции го потврдуваат ова.
Сепак, истакна Орбан, повеќето европски земји не се чувствуваат загрозени од Русија.
“Ниту Словаците, ниту Чесите, ниту Унгарците имаат причина да мислат дека Русија е закана за нив”, рече тој.
Тој верува дека НАТО ќе им даде на Полска и на балтичките држави дополнителни безбедносни гаранции, но дека би било корисно ЕУ да ги унапреди билатералните односи со Русија. Тој повика на “подиференцирана и поспецифична политика кон Русија” која треба да се спроведе.
Според него, Русија не се чувствува безбедно ако не постои заштитна зона околу неа и затоа има потреба од нејзе.
