Браќата Јурај и Марко Милошиќ од Хрватска се веројатно единствените близнаци полицајци. Минатата година завршиле полициска академија во Загреб по што почнале да работат во полициската станица во Крапина. Но, 21-годишните браќа никако не смеат да работат во иста смена.
„На тоа нè предупредија уште додека бевме на академијата и го прифативме тоа дека секогаш ќе мора да работиме во различни смени. Бидејќи не е исто кога си на терен и ако во акција некој го нападне вашиот брат или колегата“, велат близнаците во изјава за хрватските медиуми. За да се навикнат да работат одделно, тие биле распределени во различни оддели. На тој начин успевале да се видат и да бидат заедно само 15 минути дневно.
Тие велат дека иста облека – униформа носат само на работа, а во приватниот живот секој е индивидуалец, кој како сака се облекува и однесува.
