Економската катастрофа нам допрва ни следи. Владата не се справува добро со овој вирус, не се справува добро ниту со последиците од овој вирус, не само по здравјето на луѓето, туку и по економијата, изјави во „Заспиј ако можеш“ на Алфа, Ивона Талевска, новинар и претседател на МАН.
„Ова што досега го гледавме со 14.500 денари помош за компаниите е навистина во еден дел, во ред што се однесува до медиумите бидејќи први на удар беа медиумите и владата го прифати предлогот на МАН да се субвенционираат придонесите за вработените во медиумите, од буџетот. Меѓутоа останатато да не се вбризгуваат пари во приватните компании за да не отпуштаат вработени од работа е сосема погрешна стратегија од владата.“ вели Талевска
Таа потенцираше дека минималецот требаше да биде многу поголем за да не ги отпуштаат луѓето од работа, бидејќи во следниот период се очекува уште десетици илјади луѓе да останат без работа, не само овие 15-тина илјади кои останаа последниот период, бидејќи наплатата во буџетот е падната под 5%, а никој не работи.
